NATO razvedkachi samolyotlari joylashgan Germaniyaning g‘arbiy qismidagi Gaylenkirxen aviabazasida xavfsizlik choralari kuchaytirildi. Bu haqda Der Spiegel xabar berdi.
Ta’kidlanishicha, ogohlantirish chorasi sifatida missiya uchun zarur bo‘lmagan barcha xodimlar uylariga jo‘natilgan. Razvedka ma’lumotlari xavf ehtimoli borligini ko‘rsatmoqda.
“Biz potensial tahdidni ko‘rsatuvchi razvedka ma’lumotlari asosida NATOning Gaylenkirxendagi aviabazasida xavfsizlik darajasini oshirdik”, deyiladi xabarda.
Baza xodimiga ko‘ra, bu tashvishlanishga sabab bo‘lmaydi, balki muhim operatsiyalarni davom ettirishni ta’minlash uchun oddiy ehtiyot chorasi hisoblanadi.
O‘tgan hafta Germaniyaning Kyolndagi harbiy bazasi ichimlik suvi ifloslanishi va ehtimoliy qo‘poruvchilik harakati shubhasi tufayli bir necha soatga yopib qo‘yilgandi. Tekshiruv natijalari suvning ifloslanmaganini ko‘rsatdi. Shu bilan birga, NATO mazkur bazasiga kirishga urinish bo‘lganini ma’lum qildi. Buni amalga oshirishga uringan shaxs qo‘lga olindi. Ushbu ikki hodisa o‘rtasidagi bog‘liqlik aniqlanmagan.
Izoh (0)