“Rossiya 5-8 yil ichida NATOga hujum qilishi mumkin” — Bundesver generali

Bundesver bosh inspektori Karsten Broyer Rossiya yetarli darajada harbiy salohiyatni oshirib, NATO hududiga 5-8 yil ichida hujum qilishi mumkinligidan ogohlantirdi.

Uning so‘zlariga ko‘ra, hozirda “Rossiya armiyasi G‘arbga yo‘naltirilayotgani” aniq.

Besh-sakkiz yil ichida Moskva qurolli kuchlari NATO hududiga hujum qilish uchun moddiy baza va shaxsiy tarkib bilan ta’minlanadi, dedi Broyer.

Uning ta’kidlashicha, bu baho o‘zining tahlili, ittifoqchi razvedka idoralari va harbiylar ma’lumotlari hamda Rossiya rahbari Vladimir Putinning bayonotlariga asoslangan.

Rossiya armiyasi har yili 1000 dan 1500 tagacha qo‘shimcha tanklar ishlab chiqaradi. NATOga a’zo bo‘lgan Yevropaning beshta yirik davlati bu miqdorning faqat yarmiga ega, deya xulosa qilgan Broyer.