Kimgadir aktyorlik kasbi haddan tashqari oddiy tuyuladi. Aslida esa aktyorlar va aktrisalar tom ma’noda o‘z rollari bilan yashaydi. Ular chidab bo‘lmas sharoitlarda suratga tushishadi, soatlab bir sahnani qayta suratga olishadi, ba’zan esa hasharotlarni yeyishga ham to‘g‘ri keladi.
Rozamund Payk
“Yo‘qolgan ayol” kartinasida juda ko‘p og‘ir va bahsli sahnalar bor. Ulardan birida Rozamund pichoq ishlatishga majbur bo‘ladi. Pichoqni yaxshi ishlatishni qassobdan o‘rganadi. Aktrisa rolini ishonarli o‘ynashi uchun har kuni go‘sht maydalaydi.
Jud Lou
“Qirolicha o‘yini” kartinasida aktyor juda badbo‘y hidli atirlardan foydalangan. Ma’lum bir kasalliklarga chalingan qahramonini ishonarli o‘ynashi uchun aktyor rolga to‘liq singib ketishni xohlaydi. “Men Genrix oyog‘idagi yaralardan azoblanganini o‘qiganman, shuning uchun undan ko‘ngilni aynitadigan hid kelgan”, deydi aktyor.
Dueyn Jonson
“Gerkules” filmida aktyor obrazini iloji boricha haqiqatga yaqinroq qilib o‘ynashni xohlaydi. Shuning uchun afsona qahramoni zanjirdan bo‘shalishga uringan sahnada haqiqiy zanjirlardan foydalanilgan — buni aktyorning o‘zi talab qilgan. Aktyor mazkur sahnani suratga olish jarayonida bir necha bor hushidan ketganini aytadi.
Daniel Dey-Lyuis
“Nyu-York to‘dalari”dagi roli uchun Deniyel chex tilini, kanoye yasashni, boks tushishni o‘rganadi. Bundan tashqari, yuvinishdan bosh tortadi, kulbada yashaydi, suratga olishdan bo‘sh vaqtlarida Eminemning qo‘shiqlarini tinglaydi.
Tom Kruz
“Ishtirokchi” kartinasi — aktyor yovuz odam rolini o‘ynagan kamdan-kam rollardan biridir. Jinoyatchiga aylanish uchun Tom ko‘zga tashlanmaslikni o‘rganishga qaror qiladi. Buning uchun u kiyimlarini o‘zgartirib, shahar ko‘chalariga chiqar va o‘zini kuryer qilib ko‘rsatadi.
Enn Xeteuey
Enn “Seni o‘ylab” filmining so‘nggi qismini suratga olishdan oldin qattiq kasal bo‘lib qolganini aytadi. Uning ahvoli shu qadar yomon ediki, film ijodkorlari sahnani oxirigacha suratga ololmaymiz, deb o‘ylashadi. Vaziyatni qo‘lga olgan aktrisaning partnyori juda baland ovozda musiqa qo‘yadi va “barchaga quvvat baxsh etadi”. Enn esa o‘zini yomon his qilishiga qaramay, rolini ijro etishga o‘zida kuch topadi.
Ostin Batler
“Dyuna”ning ikkinchi qismida salbiy qahramonlardan birini o‘ynagan aktyor suratga olish ba’zan jaziramada bo‘lganini aytadi. Uning aytishicha, havo harorati 43 darajaga yetib, butun jamoa deyarli erib ketay degan. Ayniqsa, boshida yasama sochi bo‘lib, tevarak-atrofi qizigan beton devor bilan o‘ralgan sahnalarda Ostin juda qiynalgan.
Nikolas Keyj
“Vampir bo‘sasi” filmidagi lavhalar allaqachon memlarga aylangan. Lekin aktyor haligacha pushaymon bo‘layotgan ishni qilishga majbur bo‘lganini ko‘pchilik bilmaydi. Gap shundaki, ssenariy bo‘yicha u suvarakni yeyishi kerak edi. Garchi aktyor bundan jirkansa ham, shunday qiladi. Buning ustiga, mazkur kadrni bir necha marta suratga olishga to‘g‘ri keladi.
Emma Stoun
Aktrisaning aytishicha, u “Yangi o‘rgimchak odam: Yuqori bosim” filmini suratga olish paytida jiddiy jarohat olgan. Gap yulduz tryuklar ijro etadigan maxsus qurilmada edi. U shunchalik noqulay ediki, aktrisaning tanasida gematomalar paydo bo‘ladi.
Natali Portman
“Qora oqqush” filmini suratga olish paytida yulduz qovurg‘asini sindirib oladi. Suratga olish maydonchasida shifokor yo‘q edi, shuning uchun rejissyor boshqacha yo‘l tutishga qaror qiladi.
Filmda shunday bir kadr borki, shifokor bosh qahramonni ko‘zdan kechiradi, u esa azoblanadi. Ma’lum bo‘lishicha, Natali haqiqiy shifokor tomonidan ko‘rikdan o‘tkazilgan, o‘sha paytda uning his-tuyg‘ulari haqiqiy edi. Ya’ni Portman og‘riqdan azoblangan sahnada rol o‘ynamagan.
Izoh (0)