Sevimli filmlarimiz qahramonlari necha yoshda ekanligi haqida kamdan-kam o‘ylaymiz.
Rouz (Titanik)
Jeyms Kemeronning mashhur “Titanik” filmidagi Rouz Dyuitt Byuketer ancha katta ko‘rinsa-da, atigi 17 yoshda bo‘lgan. Filmda bu rolni ijro etgan Keyt Uinslet esa o‘sha paytda 22 yoshda edi.
Kitniss Everdin (“Hayot-mamot o‘yinlari”)
“Hayot-mamot o‘yinlari” serialining birinchi qismida bosh qahramon 16 yoshda bo‘lgan. Qahramonni o‘ynagan Jennifer Lourens esa o‘sha paytda biroz katta — 18 yoshda edi.
Margeri Tirell (“Taxtlar o‘yini”)
Margeri birinchi marta Jorj R.R. Martinning romanida paydo bo‘lganida 16 yoshda edi. Bu rolni ijro etgan aktrisa Natali Dormer birinchi mavsum efirga uzatilganda 29 yoshda bo‘lgan.
Sherlok Xolms (“Sherlok”)
Sherlok Xolms qahramoni birinchi marta Artur Konan Doylning “Qirmizi rangdagi etyud” hikoyasida tilga olinadi. O‘shanda yosh detektiv 27 yoshda edi. “Sherlok” serialining birinchi qismi suratga olinganda Benedikt Kamberbetch 34 yoshda bo‘lgan. Aytgancha, u bu obrazni o‘ynagan eng yosh aktyorlardan biri — unda avval detektiv rolini asosan o‘rta yoshli aktyorlar ijro etgan
Jasmin (“Olouddin”)
Jasminning yoshi original filmda yoki Disney veb-saytida to‘g‘ridan to‘g‘ri aytilmagan. Biroq ma’lumki, qiz 16 yoshga to‘lgunga qadar o‘ziga turmush o‘rtoq tanlashi kerak edi. Bu shuni anglatadiki, filmning aksariyat qismida qiz 15 yoshda. 2019-yildagi filmda esa Jasmin rolini ijro etgan aktrisa Naomi Skott 26 yoshda bo‘lgan.
Aragorn (“Uzuklar hukmdori”)
Kitobdagi Aragorn Frodo bilan uchrashganida 87 yoshda bo‘ladi. Kinoning birinchi qismida aktyor Viggo Mortensenning o‘zi 43 yoshda edi.
Juliya Chayld (“Juli va Juliya: Baxt retsepti”)
Juliya Chayldning “Fransuz pazandachilik san’atini o’zlashtirish” kitobi chop etilganida 48 yoshda edi. “Juli va Juliya: Baxt retsepti” filmi oshpaz hayotidagi shu davrni aks ettiradi. Ekranda Chayld obrazini gavdalantirgan aktrisa Meril Strip esa 60 yoshda edi.
Juliyetta (“Romeo va Juliyetta”)
Shekspirning mazkur tragediyasi ko‘p marta ekranlashtirilgan. Eng mashhur filmlardan birida Juliyetta rolini 17 yoshli Oliviya Xassi o‘ynaydi. Asl sevgi hikoyasida Juliyetta 13 yoshda bo‘ladi.
Ariel (“Suv parisi”)
Disney animatsion filmida suv parisi otasining dengiz shohligini tark etganida 16 yoshda edi. 2023-yilda Ariel rolini 23 yoshli Xalle Beyli ijro etgan badiiy film chiqadi. Ammo shuni ta’kidlash kerakki, filmdagi suv parisi 18 yoshda bo‘lgan.
Edvard (“Sumerki”)
Edvard Kallen 17 yoshida vampirga aylangan. 104 yoshga to‘lganida esa ilk bor Bella bilan tanishgan va uni sevib qolgan. Robert Pattinson “Sumerki”ning birinchi qismi chiqqanida atigi 22 yoshda bo‘lgan.
Mayya (“Qaytadan boshla”)
Filmda Mayya Vargas 40 yoshga to‘lgan bo‘ladi, chunki u tug‘ilgan kuni munosabati bilan ziyofat uyushtiradi. Ammo o‘sha paytda Jennifer Lopesning o‘zi 49 yoshda edi.
Zolushka (“Zolushka”)
Izoh (0)