Wаy II компаниясининг инвестиция тўпламлари сотувининг биринчи босқичига бағишланган тадбир бўлиб ўтди. Тадбирда инвесторлар компания фаолияти ва яратилган имкониятлари билан таништирилди.
Тадбирда компаниянинг биринчи лойиҳаси – Марказий Осиёдаги алюминий конструкцияларни ишлаб чиқарувчи етакчи компания – Akfa Aluminium Group ҳақида маълумот берилди.
“Тадбир давомида компанияни ривожлантириш истиқболлари ва инвестиция маҳсулотини сотувининг биринчи босқичи бошланиши эълон қилинди. Бу эса Akfa Аluminium Group ва инвесторларга ривожланишнинг янги босқичини белгилаб беради”, дея таъкидлайди компания мутахассислари.
Анъанага кўра, савдо кунининг расмий бошланиши ва якунланишини ифодаловчи рамзий қўнғироқ чалинди. Бир асрдан ортиқ тарихга эга бўлган анъана компаниянинг бозор фаолиятининг очилишини ифода этади.
Инвестиция тўпламлари сотувининг биринчи босқичи эълон қилинди ва 15 дақиқада 104 миллиард 775 миллион сўмлик биринчи тўплам тўлиқ сотиб бўлинди.
Инвестиция тўпламлари биринчи босқичининг тез суръатда сотилиши Akfa Аluminium Group ва Wаy II лойиҳаларига бўлган қўллаб-қувватлаш, қизиқиш ва ишонч ва инвесторларнинг ишончлилиги экани ўз исботини топди.
Компанияга бўлган ишонч капитални бошқаришдаги исломий адолат ва этика тамойилларига асосланган молиявий воситалар инвестиция стратегиялари учун энг маъқул танловга айланаётгани ҳам сабаблардан биридир.
“Тез орада инвестиция лойиҳаси сотувининг янги босқичлари эълон қилинади. Инвесторлар ишончини оқлаш ва инвестициялар учун фойдали имкониятлар таклиф қилиш устида ишлашни давом эттирилади," — деди Wаy II бош операцион директори Азиз Қосимхўжаев.
Учрашув, аввало инвесторларга турли бизнес эгалари билан алоқа ўрнатишга ва инвестиция қилишнинг эксклюзив шартлари ҳақида биринчи бўлиб хабардор бўлишга имкон яратди.
Wаy II ислом молияси тамойилларига риоя этишга алоҳида эътибор қаратади ва бу Islamic Finance Consulting Board (IFCB) компаниясининг Ислом молияси бўйича Илмий кенгаши хулосаси билан тасдиқланган.
Wаy II ҳақида
Компания ихтисослиги капитал тузилмаларни оптималлаштириш ва лойиҳаларнинг молиявий барқарорлигини оширишга қаратилган улушли молиялаштиришни жалб этишга қаратилган. Wаy II ўз фаолиятини шаффофлик, ишонч ва профессионаллик тамойиллари асосида юритади.
Биринчи инвестиция тўплами доирасида Wаy II инвесторларга Марказий Осиёдаги алюминий конструкциялар ишлаб чиқарувчи етакчи корхона — Akfa Аluminium Group улушини сотиб олишни таклиф этди. Бугунги кунда мазкур корхона минтақадаги энг йирик автоматлаштирилган ишлаб чиқариш мажмуаларидан бирига эга.
Изоҳ (0)