Toshkent shahrida 30-iyul — Butunjahon odam savdosiga qarshi kurashish kuniga bag‘ishlangan “Odam savdosiga qarshi kurashish: milliy yondashuvlar va xalqaro standartlar” mavzusidagi konferensiyada ichki ishlar vaziri Po‘lat Bobojonov mazkur masala yuzasidan bayonot berdi, deya xabar berdi “Daryo” muxbiri.
Po‘lat Bobojonovning aytishicha, joriy yilning 6 oyida Odam savdosidan jabrlangan shaxslarga yordam berish bo‘yicha respublika markazi 68 nafar odam savdosidan jabrlangan shaxslarga (13 nafari bolalar) ijtimoiy yordam ko‘rsatgan.
Odam savdosi bilan bog‘liq 102 ta jinoyat aniqlanib, qonun ustuvorligi ta’minlandi.
“Istiqbolli avlod” respublika axborot markazi ko‘magida xorijiy mamlakatlardan odam savdosidan jabrlangan 23 nafar fuqaro O‘zbekistonga qaytarilgan, dedi ichki ishlar vaziri.
Ma’lumot uchun, 2008-yilda odam savdosi jinoyati bo‘yicha Jinoyat kodeksiga alohida — 135-modda (odam savdosi) kiritilgan. Shuningdek, odam savdosining ko‘rinishlari hisoblangan bolalar mehnatidan foydalanish, mehnatga ma’muriy tarzda majburlash va inson a’zolarining noqonuniy transplantatsiyasi uchun jinoiy javobgarlik kiritilgan.
Izoh (0)