Kot-d’Or departamentidagi pochtalarni saralash markazida Fransiya Ichki ishlar vazirligi rahbari Jerald Darmanin nomiga yozilgan xat topildi.
Maktubda qora kukun borligi aniqlangan, dastlabki sinovlar natijasida xatda vabo izlari topilgan, deb yozadi Franceinfo nashri.
Paster instituti qo‘shimcha tahlillar o‘tkazmoqda. Xat muallifi va uni yuborish sabablari hozircha aniqlanmagan.
Le Parisien nashrining yozishicha, maktub haqoratli mazmunda yozilgan. France 3 Bourgogne nashri politsiya tomonidan ochilgan shubhali kukun solingan maktubda irqiy kamsitishlar bo‘lganini qayd etgan.
Vabo o‘tkir tabiiy o‘choqli yuqumli kasallikdir. Ilgari u yuqori, deyarli yuz foiz o‘lim darajasi va juda yuqori yuqumlilik bilan ajralib turgan. Vabo qo‘zg‘atuvchisi tabiiy suv havzalarida saqlanib qoladi, shuning uchun kasallikning yangi holatlari hali ham qayd etilmoqda.
Izoh (0)