Qozog‘istonda oliy ta’limga foizsiz kredit berish yo‘lga qo‘yiladi. Bu haqda 24-iyul kuni Qozog‘iston fan va oliy ta’lim vaziri Sayasat Nurbek ma’lum qildi.
Vazirning so‘zlariga ko‘ra, bu amaliyot Qo‘shma Shtatlarda qo‘llaniladi va yil oxirigacha u qozog‘istonlik abituriyentlar uchun ham mavjud bo‘ladi. Vazirlik bir qator ikkinchi darajali banklar bilan hamkorlikda ish olib bormoqda va qonun loyihasini ishlab chiqish yakunlanmoqda.
Mazkur tashabbus mamlakatda oliy ta’lim olish imkoniyatini oshirish uchun joriy etilishi rejalashtirilayotgan yagona vosita emas.
Sayasat Nurbekning taʼkidlashicha, qozog‘istonliklar foizsiz kreditdan tashqari o‘z jamg‘armalaridan foydalanib, “Bolalar milliy jamg‘armasi” dasturidan foydalanishlari mumkin.
Shuningdek, vazirlik “Keleshek” dasturini ham yo‘lga qo‘yadi, unga ko‘ra abituriyentlarning ota-onalari davlat va bank mukofotlari hisobidan boshlang‘ich kapital orqali mustaqil ravishda ta’lim olish uchun mablag‘ to‘plashlari mumkin.
To‘rtinchi vosita - tabaqalashtirilgan grantlar. Joriy yilda grantlar taqsimoti doirasida pilot loyiha ishga tushirilgan. Unga ko‘ra, agar bola yaxshi ball olgan bo‘lsa-yu, lekin uning tanlagan mutaxassisligi bo‘yicha yuqori raqobat mavjud bo‘lsa - bizda 100 ball ham, 115 ball ham grant ololmaydi. Raqobat juda yuqoriligi sababli bola imtihondan yiqilsa, biz qo‘shimcha 75 foiz, 50 foiz grantlar berishga tayyormiz, deydi vazir.
Avvalroq Majilis deputati Asxat Ayagametov qozog‘istonlik talabalarni dunyoning yetakchi universitetlari – Bolashakda (Qozog‘iston Respublikasining birinchi prezidenti Nursulton Nazarboyevning xalqaro ta’lim stipendiyasi) o‘qitish dasturi kengaytirilgani haqida ma’lum qilgandi. Olimpiada va ilmiy loyiha tanlovlari g‘oliblari unda bakalavriat dasturi doirasida ishtirok etishlari mumkin bo‘ladi.
Izoh (0)