Rossiyaning ko‘chmas mulk sotuvi bilan shug‘ullanuvchi agentliklardan biri xonanda Alsuga tegishli, maydoni 250 kvadrat metr bo‘lgan hashamatli kvartiraning suratlarini internetga joyladi.
Ma’lum bo‘lishicha, xonanda 18 yoshga to‘lganda otasi tomonidan sovg‘a qilingan kvartira sotuvga qo‘yilgan.
May oyining oxirida Alsu turmush o‘rtog‘i Yan Abramov bilan ajrashish uchun sudga da’vo arizasi bilan murojaat qildi. 2-iyul kuni esa Savelov sudining veb-saytida xonandaning yana bir da’vosi — nikoh davrida birgalikda xarid qilingan mol-mulkni bo‘lish to‘g‘risidagi arizasi haqida ma’lumot paydo bo‘ldi. Ushbu masala bo‘yicha sud majlisi 26-iyul sanasiga belgilangan.
Foto: Super.ru
Shuningdek, Alsu ajrim va mol-mulkni bo‘lish masalalari bilan birga, Moskva shahri markazida joylashgan o‘ziga tegishli xonadonni sotishga qaror qilgan.
Rossiya OAVlari yozishicha, ko‘p qavatli bino 1912-yilda qurilgan bo‘lib, bugungi kungacha mukammal ko‘rinishda saqlanib qolgan. Ushbu uydagi xonadonlardan biri Mixail Bulgakovning “Zoykaning kvartirasi” asarida tasvirlangan. Shiftlarining balandligi 3,2 metrni tashkil qiladigan xonalar klassik usulda jihozlangan.
Xonadon maydoni 247,7 kv/m bo‘lib, uchta hashamatli yotoqxona, uchta hammom, kir yuvish xonasi, garderob, oshxona, ovqatlanish xonasi, mehmonxona hamda omborxonadan iborat.
Ko‘chmas mulk sotuvi bilan shug‘ullanuvchi agentlikning so‘zlariga ko‘ra, kvartira yaqin orada ta’mirdan o‘tkazilib, unda sifatli va qimmatbaho materiallardan foydalanilgan.
E’lon dastlab 22-aprel kuni berilgan va uyga 318 million rubl (3 million 620 ming dollar) narx belgilangan. 20-iyun kuni ko‘chmas mulk narxi 299 million rubl (3 million 340 ming dollar)ni tashkil etdi. Shunday qilib, uyning narxi 19 million rublga kamaydi.
Alsuga tegishli xonadon sotuvi bo‘yicha ma’lumotni xonanda tasdiqlamadi. Kvartirani sotish bilan Moskva ko‘chmas mulk agentliklaridan biri shug‘ullanmoqda.
Rossiya OAV ma’lumotlariga ko‘ra, ajrim bo‘yicha Alsu va Yan Abramov Moskvadagi to‘rt qavatli uyni, Leningradskoye Shossedagi qimmatbaho kvartirani, Buyuk Britaniyadagi uyni hamda Sankt-Peterburgdagi kvartirani bo‘lishishlari kerak.
Izoh (0)