Vazirlar Mahkamasining tegishli qarori bilan Viktor Nam Toshkent shahridagi Puchon universiteti rektori lavozimdan ozod qilindi. Bu haqda bosh vazir matbuot kotibi xabar berdi.
Maʼlum qilinishicha, Viktor Namning o‘rniga Agrippina Shin tayinlandi.
Qahramon Olimov Toshkentdagi A.I.Gersen nomidagi Rossiya davlat pedagogika universiteti federal davlat byudjeti oliy taʼlim muassasasi filialining ijrochi direktori lavozimdan ozod qilindi. Uning o‘rniga Viktor Nam tayinlandi.
Eldar Yuldashev Toshkentdagi S.A.Gerasimov nomidagi Butunrossiya davlat kinematografiya instituti federal davlat byudjeti oliy taʼlim muassasasi filialining direktori lavozimdan ozod qilindi. Uning o‘rniga Iqbol Meliqo‘ziyev tayinlandi.
Eldor Shermanov Yunus Rajabiy nomidagi O‘zbek milliy musiqa sanʼati institutining o‘quv ishlari bo‘yicha prorektori – rektori vazifasini vaqtincha bajaruvchi etib, 6 oy sinov muddati bilan tayinlandi.
Izoh (0)