Uzum Market tahlilchilari so‘rov o‘tkazib, foydalanuvchilar tovarlarni sotib olishdan oldin ularni tanlashga qanday yondashishlarini o‘rganib chiqishdi.
So‘rovda qatnashgan o‘zbekistonliklarning 60 foizidan ortig‘i sotib olishdan oldin tovarlar to‘g‘risidagi ma’lumotlarni o‘rganadi. Respondentlarning 49 foizi sotib olishdan oldin tovarni birinchi navbatda marketpleyslardan qidirishadi. Taxminan 20 foizi qidiruv tizimlariga (Google yoki Yandex Qidiruv) murojaat qiladi. Ijtimoiy tarmoqlar, klassifayd va messenjerlar esa atigi 7-8 foizni tashkil qiladi. Shu bilan birga, onlayn platformalarda tovar qidiradiganlarning orasida so‘ralgan o‘zbekistonliklarning aksariyati (deyarli 90%) buning uchun Uzum Market milliy marketpleysidan foydalanadilar.
Foydalanuvchilarning yarmidan ko‘pi marketpleyslarda qulay qidiruv mavjudligini ta’kidlashadi. Yana 45 foizi tovarlarning katta tanlovini qayd etdi, bu ham ularni qidirishni osonlashtiradi. Shunday qilib, Uzum Market'ning assortimenti 800 ming noyob tovar nomlariga yaqinlashmoqda.
Tovarlarning batafsil tavsifi ularni qidirish uchun marketpleyslarni tanlashning yana bir sababidir — respondentlarning 33 foizi ushbu parametrni qayd etgan. Marketpleyslardagi sharhlar va reytinglar javob berganlarning 29 foizi uchun muhim parametrdir.
— Ko‘p toifali onlayn maydonlarning qulayligi va keng assortimenti tobora ko‘proq foydalanuvchilarni jalb qilmoqda. Tovar qidiruvlari ham tobora ko‘proq marketplyeslarga kelib tushishi ham ajablanarli emas — mijozlar uchun tovarlarni qidirish, uning tavsifini o‘qish va sharhlarga qarash osonroq va qulayroq — barchasi bir joyda. Shu sababli ham to‘g‘ri va to‘liq to‘ldirilgan tovar kartasi ko‘rib chiqishdan xaridga konversiyani oshiradi, — dedi Ilshat Xametov, Uzum Market bosh direktori. — Bundan tashqari, marketpleyslar tanlovdan sotib olishgacha aniq yo‘lni, ko‘plab xavfsiz to‘lov usullarini va tez yetkazib berishni taklif etadi. Ushbu omillarning barchasi sotib olish jarayonini foydalanuvchilar uchun shaffof va jozibali qiladi.
Bugungi kunda Uzum Market milliy marketpleysida butun mamlakat bo‘ylab 10 mingdan ortiq tadbirkor va kompaniyalar o‘z tovarlarini sotmoqda. Mamlakat bo‘ylab 122 ta aholi punktlari yashovshilari o‘z buyurtmalarini Uzum Marketdan 1 kun davomida yetkazib berish bilan olishlari mumkin.
Yil oxirigacha marketpleys 10 mingdan ortiq aholisi bo‘lgan barcha shahar qamrab olgan holda buyurtma tarqatish punktlari tarmog‘ini 3 baravar oshirishni, shuningdek, assortimentni 2 milliondan ortiq tovar nomlariga kengaytirishni rejalashtirmoqda.
Sheriklik huquqi asosida.
Izoh (0)