Uzum Market таҳлилчилари сўров ўтказиб, фойдаланувчилар товарларни сотиб олишдан олдин уларни танлашга қандай ёндашишларини ўрганиб чиқишди.
Сўровда қатнашган ўзбекистонликларнинг 60 фоизидан ортиғи сотиб олишдан олдин товарлар тўғрисидаги маълумотларни ўрганади. Респондентларнинг 49 фоизи сотиб олишдан олдин товарни биринчи навбатда маркетплейслардан қидиришади. Тахминан 20 фоизи қидирув тизимларига (Google ёки Yandex Қидирув) мурожаат қилади. Ижтимоий тармоқлар, классифайд ва мессенжерлар эса атиги 7-8 фоизни ташкил қилади. Шу билан бирга, онлайн платформаларда товар қидирадиганларнинг орасида сўралган ўзбекистонликларнинг аксарияти (деярли 90%) бунинг учун Uzum Market миллий маркетплейсидан фойдаланадилар.
Фойдаланувчиларнинг ярмидан кўпи маркетплейсларда қулай қидирув мавжудлигини таъкидлашади. Яна 45 фоизи товарларнинг катта танловини қайд этди, бу ҳам уларни қидиришни осонлаштиради. Шундай қилиб, Uzum Marketънинг ассортименти 800 минг ноёб товар номларига яқинлашмоқда.
Товарларнинг батафсил тавсифи уларни қидириш учун маркетплейсларни танлашнинг яна бир сабабидир — респондентларнинг 33 фоизи ушбу параметрни қайд этган. Маркетплейслардаги шарҳлар ва рейтинглар жавоб берганларнинг 29 фоизи учун муҳим параметрдир.
— Кўп тоифали онлайн майдонларнинг қулайлиги ва кенг ассортименти тобора кўпроқ фойдаланувчиларни жалб қилмоқда. Товар қидирувлари ҳам тобора кўпроқ маркетплесларга келиб тушиши ҳам ажабланарли эмас — мижозлар учун товарларни қидириш, унинг тавсифини ўқиш ва шарҳларга қараш осонроқ ва қулайроқ — барчаси бир жойда. Шу сабабли ҳам тўғри ва тўлиқ тўлдирилган товар картаси кўриб чиқишдан харидга конверсияни оширади, — деди Илшат Хаметов, Uzum Market бош директори. — Бундан ташқари, маркетплейслар танловдан сотиб олишгача аниқ йўлни, кўплаб хавфсиз тўлов усулларини ва тез етказиб беришни таклиф этади. Ушбу омилларнинг барчаси сотиб олиш жараёнини фойдаланувчилар учун шаффоф ва жозибали қилади.
Бугунги кунда Uzum Market миллий маркетплейсида бутун мамлакат бўйлаб 10 мингдан ортиқ тадбиркор ва компаниялар ўз товарларини сотмоқда. Мамлакат бўйлаб 122 та аҳоли пунктлари яшовшилари ўз буюртмаларини Uzum Marketдан 1 кун давомида етказиб бериш билан олишлари мумкин.
Йил охиригача маркетплейс 10 мингдан ортиқ аҳолиси бўлган барча шаҳар қамраб олган ҳолда буюртма тарқатиш пунктлари тармоғини 3 баравар оширишни, шунингдек, ассортиментни 2 миллиондан ортиқ товар номларига кенгайтиришни режалаштирмоқда.
Шериклик ҳуқуқи асосида.
Изоҳ (0)