Toshkent viloyati Nurafshon tumanida Media xodimlari va ijodkorlar bog‘ining ochilishi bo‘lib o‘tdi.
Unda prezident matbuot kotibi Sherzod Asadov ishtirok etdi.
“O‘tgan yili ommaviy axborot vositalari va matbuot xizmatlari, jurnalistika yo‘nalishidagi oliygohlar vakillari Toshkent viloyati hokimligi ko‘magida Nurafshon tumanidagi maydonda bog‘ yaratish niyatida birinchi ko‘chatlarni ekkan edi. Bugun ushbu Media xodimlari va ijodkorlar bog‘ining ochilishi bo‘lib o‘tdi.
Qariyb 7 gektar hududni egallagan bu bog‘ prezidentimiz tashabbusi bilan boshlangan “Yashil makon” umummilliy harakatida boshqa soha vakillari qatori jurnalist hamkasblarimiz ham faol ishtirok etayotganidan dalolat beradi.
Ushbu yashil hudud Nurafshon aholisi va mehmonlarining sevimli dam olish maskaniga aylanishi, kelajak avlodlarning ekologik farovonligiga xizmat qilishiga tilakdoshman”, — deydi Sherzod Asadov.
Izoh (0)