Sirdaryo viloyati Yangiyer shahrida faoliyat ko‘rsatuvchi “Milliy taomlar” (nomi o‘zgartirilgan) MCHJ rahbari gaz taʼminoti korxonasi xodimlarining xatti-harakatidan norozi bo‘lib, biznes-ombudsmanga murojaat qildi. Bu haqda Biznes-ombudsman matbuot xizmati xabar berdi.
Aniqlanishicha, korxona barcha talablarga asosan faoliyat yuritib, gaz hisoblagichni qonuniy ravishda o‘rnatgan va servis xizmati shartnomasiga ega bo‘lgan.
2024-yil 28-mart kuni “Hududgaz Sirdaryo” gaz taʼminoti filiali xodimlari tomonidan o‘tkazilgan o‘rganishda dalolatnoma asosida 231 mln so‘m qarzdorlik hisoblangan.
Biznes-ombudsman aralashuvi bilan “O‘zenergoinspeksiya”ning Sirdaryo viloyat hududiy boshqarmasi tomonidan qayta hisob-kitob o‘tkazildi. Natijada haqiqiy qarzdorlik 33 mln so‘mni tashkil etishi maʼlum bo‘ldi.
Tadbirkor noqonuniy hisoblangan 200 mln so‘mga yaqin qarzdorlikdan ozod qilindi.
Izoh (0)