Bugun Sharqiy Ruterforddagi (AQSh, Nyu-Jersi) MetLife stadioni maydonida Amerika kubogi—2024 guruh bosqichining 2-turi doirasida Chili va Argentina terma jamoalari o‘rtasidagi uchrashuv bo‘lib o‘tdi.
Unda Argentina terma jamoasi 1:0 hisobida g‘alaba qozondi.
O‘yinning birinchi bo‘limida hisob ochilmadi. 88-daqiqasida urilgan yagona golga zaxiradan maydonga tushgan argentinalik hujumchi Lautaro Martines mualliflik qildi.
37 yoshli hujumchi va terma jamoa sardori Lionel Messi Argentina terma jamoasi safida to‘liq o‘yin o‘tkazdi.
Ikki turdan so‘ng argentinaliklar 6 ochko bilan “A” guruhida peshqadamlik qilmoqda, Kanada esa 3 ochko bilan ikkinchi o‘rinda. Peru va Chili terma jamoalarida bittadan ochko bor.
Ushbu g‘alaba argentinaliklarni muddatidan avval pley-offga yo‘llanma taqdim etdi.
Amerika Kubogi-—2024.
2-tur
Chili — Argentina 0:1
Gol: 0:1 — Martines (88).
Chili: Bravo, Isla (Fernandes, 87), Lixnovski, Dias, Suaso, Echeverriya, Pulgar (Nunes, 76), Vargas (Brereton, 87), Davila, Osorio, Sanches (Bolados, 66).
Argentina: Emiliano Martines, Molina (Akunya, 83), Romero, Lisandro Martines, Talyafiko (Montiel, 83), De Paul, Mak Allister, Fernandes (Lo Chelso, 64), Messi, Alvares (Lautaro Martines, 73), Gonsales (Di Mariya, 73).
Ogohlantirishlar: Suaso (55), Isla (82).
Izoh (0)