Бугун Шарқий Рутерфорддаги (АҚШ, Ню-Жерси) MetLife стадиони майдонида Америка кубоги—2024 гуруҳ босқичининг 2-тури доирасида Чили ва Аргентина терма жамоалари ўртасидаги учрашув бўлиб ўтди.
Унда Аргентина терма жамоаси 1:0 ҳисобида ғалаба қозонди.
Ўйиннинг биринчи бўлимида ҳисоб очилмади. 88-дақиқасида урилган ягона голга захирадан майдонга тушган аргентиналик ҳужумчи Лаутаро Мартинес муаллифлик қилди.
37 ёшли ҳужумчи ва терма жамоа сардори Лионель Месси Аргентина терма жамоаси сафида тўлиқ ўйин ўтказди.
Икки турдан сўнг аргентиналиклар 6 очко билан “А” гуруҳида пешқадамлик қилмоқда, Канада эса 3 очко билан иккинчи ўринда. Перу ва Чили терма жамоаларида биттадан очко бор.
Ушбу ғалаба аргентиналикларни муддатидан аввал плей-оффга йўлланма тақдим этди.
Америка Кубоги-—2024.
2-тур
Чили — Аргентина 0:1
Гол: 0:1 — Мартинес (88).
Чили: Браво, Исла (Фернандес, 87), Лихновски, Диас, Суасо, Эчеверрия, Пульгар (Нунес, 76), Варгас (Бреретон, 87), Давила, Осорио, Санчес (Боладос, 66).
Аргентина: Эмилиано Мартинес, Молина (Акуня, 83), Ромеро, Лисандро Мартинес, Таляфико (Монтиэл, 83), Де Паул, Мак Аллистер, Фернандес (Ло Чельсо, 64), Месси, Алварес (Лаутаро Мартинес, 73), Гонсалес (Ди Мария, 73).
Огоҳлантиришлар: Суасо (55), Исла (82).
Изоҳ (0)