Farg‘ona viloyati hokimi Xayrullo Bozorov Turkiyadagi World Tourism Forum Institute xalqaro turizm tashkiloti rahbari Bulut Bag‘ji hamda turizm sohasida faoliyat ko‘rsatuvchi ishbilarmon Muattar Ergen bilan uchrashdi. Bu haqda viloyat hokimligi matbuot xizmati xabar berdi.
Uchrashuvda Farg‘ona viloyatida turizmni yanada rivojlantirish, viloyat imijini xalqaro miqyosda tanitish, turizm infratuzilmasi sohasiga xorijiy investorlarni jalb etish masalalari muhokama qilindi.
Muzokaralar natijasida Farg‘onada 2024-yilning oktyabr-noyabr oylarida Michelin Guide xalqaro restoranlarni baholash tizimi tomonidan eʼtirof etilgan dunyoning taniqli oshpazlari hamda gastronomik sohaga ixtisoslashgan bloger-inflyuyenserlarni ham jalb etgan holda “Farg‘ona gastronomik festivali”ni hamkorlikda tashkil etish kelishib olingan.
Shuningdek, sentyabr oyida xalqaro turizm hamda servis kompaniyalari, aviakompaniyalar rahbarlari ishtirokida Master-klass o‘tkaziladi.
Shuningdek, Farg‘ona viloyatiga xalqaro mehmonxona brendlarini jalb etish bo‘yicha ham hamkorlikda ish tashkil etiladigan bo‘ldi.
Izoh (0)