Checheniston rahbari Ramzan Qodirov opasining o‘g‘li Adam Cherxigovni Checheniston transport, kommunikatsiya va raqamli rivojlanish vaziri lavozimiga tayinlandi. Bu haqda Qodirovning o‘zi Telegram kanalida ma’lum qildi.
Adam yosh bo‘lishiga qaramay, rahbarlik lavozimlarida katta tajribaga va vazirlik oldida turgan vazifalarni samarali va sifatli bajarish uchun zarur professional ko‘nikmalarga ega, — deydi Checheniston rahbari.
Adam Cherxigov respublika rahbarining opasi Zargan Qodirovaning o‘g‘li hisoblanadi. Avvalroq Ramzan Qodirovning to‘ng‘ich o‘g‘li, 18 yoshli Axmat Checheniston sport vaziri etib tayinlangandi. Fevral oyidan buyon u Yoshlar ishlari vaziri, ungacha Jismoniy tarbiya va sport vazirining birinchi o‘rinbosari lavozimida ishlab kelgan.
Shuningdek, Axmatning 24 yoshli opasi Xadijat joriy yilning fevral oyidan beri Checheniston rahbari administratsiyasi boshlig‘i o‘rinbosari lavozimini egallab kelmoqda. 25 yoshli Ayshat Qodirova esa Checheniston hukumati rahbari o‘rinbosari hisoblanadi. Bungacha u Checheniston madaniyat vaziri lavozimida faoliyat yuritgan. Ramzan Qodirovning 16 yoshli o‘g‘li Adam ham mashhurlikdan qolishmaydi. U Checheniston rahbarining xavfsizlik bo‘limiga rahbarlik qiladi. Ramzan Qodirov va uning oilasi muntazam ravishda taqdirlanib, yuqori lavozimlarga tayinlanib keladi.
“Qarindoshlarimning har qanday muassasa va har qanday lavozimdagi talabi o‘n barobar ko‘p, chunki ular menga qaramay ishlashlarini isbotlashi kerak. Kimga ishonsam, o‘shani tayinlayman”, — degan edi Qodirov bu borada.
Izoh (0)