“Zelenskiyni Chechenistondagi yerto‘lamizga qamashni orzu qilaman” — Ramzan Qodirov

Checheniston rahbari Ramzan Qodirov Ukraina prezidenti Vladimir Zelenskiyni Chechenistondagi yerto‘laga qamashni orzu qilishini aytdi. Bu haqda u RT jurnalistiga ma’lum qildi.

Qodirov G‘arb davlatlari Ukrainaga qurol yetkazib berayotgani borasida ham gapirdi.

“Ular nima yuborishidan qat’i nazar, urushda biz g‘alaba qozonamiz. Urush qancha uzoq davom etsa, shaytonlar shunchalik kamayadi... Mening orzum Zelenskiyni Chechenistondagi yerto‘lamizga joylashtirishdir”, — dedi u.

Qodirov Ukrainaga urush boshidanoq yuqori texnologiyali qurollar yetkazib berilgani, shuning uchun yangi ta’minotlar Kiyevga frontdagi vaziyatni barqarorlashtirishga “hech qanday yordam bermasligini” da’vo qildi.