Har yili may oyining oxirgi yakshanbasida Xalqaro egizaklar kuni nishonlanadi. Joriy yilda mazkur bayram 31-may sanasiga to‘g‘ri keldi. Bugun esa bir-biriga ikki tomchi suvdek o‘xshash bo‘lgan Gollivudning yorqin yulduzlari haqida so‘zlashamiz.
1. Meri Keyt va Eshli Olsen
Ilk marta egizaklar Meri Keyt va Eshli Olsen “To‘liq uy” (1897-1995) teleserialida ko‘rinish bergan. U paytda ular bir yoshga ham to‘lmagan edi. Bolalar galma-galdan bosh qahramonning kenja qizi rolini ijro etishdi. Keyinroq qizlar 9 yoshida “Egizaklar: men va soyam”, “Disneyning sehrli dunyosi”, “Mayda bezorilar”, o‘smirlik davrida esa “Juda oz vaqt” va boshqa loyihalarda ishtirok etishdi.
Hozirda opa-singil Olsenlar shaxsiy hayotini sir saqlashga ommaviy tadbirlarda qatnashmaslikka, ijtimoiy tarmoqlardan foydalanmaslikka harakat qiladi. Kamdan-kam holatda biror tadbirga tashrif buyurgan taqdirda ham jurnalistlarga intervyu berishdan bosh tortadi.
2. Skarlett va Hanter Yoxansson
Amerikalik aktrisa Skarlett Yoxanssonning egizak akasi borligi ko‘pchilikka noma’lum bo‘lsa kerak. Uning ismi Hanter bo‘lib, u o‘zini aktyorlikda ham sinab ko‘rdi. Biroq Gollivud va shou-biznes Hanterga yoqmadi. So‘ng u siyosatga, keyin esa tadbirkorlik sohasida ishlay boshladi. Skarlett undan atigi 3 daqiqaga katta opadir.
“Menimcha, ko‘plab insonlar o‘zining ko‘zgusiga aylanadigan hamroh izlashga uzoq vaqt sarflaydi. Mening egizak ukam Hanter men uchun doim shunday hamroh bo‘lib kelgan”, — dedi Skarlett intervyulardan birida.
3. Eshton va Maykl Kutcher
Eshton Kutcherning akasi Maykl miya falaji bilan tug‘ilgan. Bolaligida u ko‘plab og‘ir operatsiyalarni, jumladan 13 yoshida Maykl yurak transplantatsiyasini boshdan kechirgan.
Eshton har doim akasiga g‘amxo‘rlik qilgan va maktabda bezori bolalardan himoya qilgan. Hozirda Maykl miya falaji bor bo‘lgan bolalar uchun birinchi darajali huquqshunos hisoblanadi va u nogiron oilalarga kerakli yordamni topishda faol yordam beradi.
4. Dilan va Koul Sprous
Disney kanali yulduzlari “Hammasi tip-top yoki Zak va Kodi hayoti” (2005–2008) seriali orqali AQSHda mashhurlikka erishdi. Hozirda Dilan va Koul Sprous filmlarda ajoyib obrazlarni gavdalantirishda davom etmoqdalar. Xususan, Dilan Sprous 2023-yilda “Mening ajib baxtsizligim-2” filmida suratga tushdi.
5. Linda va Lesli Hamilton
Gollivud aktrisasi Linda Hemilton 80–90-yillarning mashhur jangovar yo‘nalishda suratga olingan “Terminator” filmida Sara Konnor rolini ijro etib, katta mashhurlikka erishdi. Mashhur aktrisaning egizak singlisi Lesli hayotini tibbiyotga bag‘ishladi, ammo bu uning “Terminator-2” filmida epizodik rol o‘ynashiga to‘sqinlik qilmadi.
Ayni paytda 67 yoshli aktrisa Linda Hemilton kino sohasiga qaytishni istamaydi, uning egizagi Lesli esa 2020-yilda 64 yoshida vafot etdi.
Izoh (0)