Turkiyada yillik inflyatsiya may oyida 75,45 foizga oshdi. Bu 2022-yil noyabr oyidan (o‘shanda bu ko‘rsatkich 84,39 foiz edi) keyin qayd etilgan rekord ko‘rsatkichdir. Bu haqda Turkiya Statistika instituti ma’lumot berdi.
Mamlakatda so‘nggi 1,5 yil ichida narxlar o‘sishi rekord darajada tezlashmoqda. Yil davomida isteʼmol narxlarining eng katta o‘sishi taʼlim sohasida (104,8 foiz), shuningdek, uy-joy (93,2 foiz), mehmonxona, kafe va restoranlar (92,9 foiz), tamaki va alkogol mahsulotlari (86,48 foiz) narxlarida qayd etildi.
Oziq-ovqat mahsulotlari 70,1 foizga, kiyim-kechak va poyabzal 50,9 foizga, mebel va maishiy texnika esa 69,3 foizga qimmatlashdi. Oylik hisobda 2024-yil may oyida inflyatsiya 3,37 foizni tashkil etdi. Avvalroq Turkiya moliya vaziri Mehmet Shimshek mamlakatda inflyatsiyaning cho‘qqisi may oyida kutilayotgani, keyin esa pasayishni boshlashi haqida prognoz qilgandi.
Izoh (0)