Туркияда йиллик инфляция май ойида 75,45 фоизга ошди. Бу 2022 йил ноябрь ойидан (ўшанда бу кўрсаткич 84,39 фоиз эди) кейин қайд этилган рекорд кўрсаткичдир. Бу ҳақда Туркия Статистика институти маълумот берди.
Мамлакатда сўнгги 1,5 йил ичида нархлар ўсиши рекорд даражада тезлашмоқда. Йил давомида истеъмол нархларининг энг катта ўсиши таълим соҳасида (104,8 фоиз), шунингдек, уй-жой (93,2 фоиз), меҳмонхона, кафе ва ресторанлар (92,9 фоиз), тамаки ва алкоголь маҳсулотлари (86,48 фоиз) нархларида қайд этилди.
Озиқ-овқат маҳсулотлари 70,1 фоизга, кийим-кечак ва пойабзал 50,9 фоизга, мебел ва маиший техника эса 69,3 фоизга қимматлашди. Ойлик ҳисобда 2024 йил май ойида инфляция 3,37 фоизни ташкил этди. Аввалроқ Туркия молия вазири Меҳмет Шимшек мамлакатда инфляциянинг чўққиси май ойида кутилаётгани, кейин эса пасайишни бошлаши ҳақида прогноз қилганди.
Изоҳ (0)