Navoiy viloyati Zarafshon tumanida ayol uch egizak dunyoga keltirdi. Bu haqda SSV xabar berdi.
Ma’lum qilinishicha, 3-iyun kuni Zarafshon shahrida yashovchi 34 yoshli ayol 3 nafar egizak dunyoga keltirgan. Respublika ixtisoslashtirilgan ona va bola salomatligi ilmiy-amaliy tibbiyot markazi Navoiy viloyat filialida go‘daklarning sog‘lom tug‘ilishi uchun barcha zarur shart-sharoit hozirlandi. Kesarcha usulda, asoratsiz tug‘uruq amaliyoti natijasida 2 kilo 555 gramm, 2 kilo 115 gramm va 2 kilo 55 grammlik 3 nafar: bir nafar qiz va ikki nafar o‘g‘il chaqaloq dunyoga keldi.
Hozirda go‘daklarning ahvoli yaxshi. Ularning parvarishi hamda ona suti bilan oziqlanishi neonatolog-shifokor va hamshiralar nazorati ostida.
Bu joriy yil Respublika ixtisoslashtirilgan ona va bola salomatligi ilmiy-amaliy tibbiyot markazi Navoiy viloyat filialida uch nafar egizaklar tug‘ilishi bilan bog‘liq ikkinchi holatdir.
Izoh (0)