Ijtimoiy tarmoqlarda Rossiyaga eksport qilingan o‘rik mahsuloti qurtlagani sababli qaytarilgani haqida xabarlar e’lon qilindi. Qishloq xo‘jaligi vazirligi holatga izoh berdi.
Holatga oydinlik kiritish maqsadida Veterinariya va fitosanitariya nazorati bo‘yicha federal xizmati (Rosselxoznadzor) mutasaddilari bilan muzokaralar olib borildi. Ma’lum bo‘lishicha, mahsulot Farg‘ona viloyatining Quva tumanidagi bog‘da yetishtirilgan. 924 kilogrammlik o‘rik 6+ kalibrda bo‘lib, may oyining oxirgi sanalarida yuklangan.
Yuk tegishli tartibda markaziy fitosanitariya laboratoriyasida ekspertizadan o‘tkazilib, ijobiy xulosa berilgan. Orenburg viloyatida yuz bergan holat yuzasidan agentlikka notifikatsiya (e’tiroznoma) jo‘natilmagan.
Shu o‘rinda, Rossiyaga qishloq xo‘jaligi mahsulotlari eksporti hajmi ortgani ma’lum qilindi. Joriy yilning yanvar—may oylari davomida qiymati 146 million dollardan ortiq 223 ming tonna qishloq xo‘jaligi mahsuloti eksport qilingan. Shundan 10 ming tonnaga yaqini o‘rik mahsuloti.
Izoh (0)