Qashqadaryo viloyatining Qamashi tumanida tabiiy qum mahsulotini noqonuniy qazib olish holati aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, o‘tkazilgan tezkor tadbirda fuqaro A.S. va O.A.lar Qashqadaryo daryosining Qamashi tumani Qirqqiz qishlog‘i hududidan oqib o‘tuvchi muhofaza maydonidan maxsus texnikalar yordamida 1,8 ming kub tabiiy qum mahsulotini noqonuniy ravishda qazib olib, davlat va jamiyat manfaatlariga 234,2 mln so‘m zarar yetkazilgani aniqlangan.
Shuningdek, fuqaro A.S. va boshqalar noqonuniy tadbirkorlik faoliyati bilan shug‘ullanib kelib, 170 mln so‘m nazorat qilinmaydigan daromad topgani maʼlum bo‘lgan.
Mazkur holatlar yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)