Germaniya TIV rahbari Annalena Berbok Ukraina prezidenti Vladimir Zelenskiy besh yillik vakolat muddati tugaganidan keyin ham qonuniy davlat rahbari hisoblanishini aytdi, deya Deutsche Welle xabar berdi.
Aynan Rossiya “xiyonatkor o‘yin” o‘ynayapti va Zelenskiyning qonuniyligini shubha ostiga qo‘ymoqda, chunki Ukraina urush sharoitida ovoz bera olmaydi, — deb ta’kidlagan Berbok.
U shuningdek, Zelenskiy bilan mavjud muammolarni muvaffaqiyatli hal etishda davom etishini ma’lum qilgan.
Ukrainani himoya qilishda hamda barcha islohot jarayonlarida birga qatnashamiz, — deya Berbok Ukraina rahbariyatini ishontirgan.
Germaniyalik vazirning fikricha, voqealarning bunday rivojlanishiga “xalqaro huquqni buzuvchi shafqatsiz urushi bilan to‘sqinlik qilgan” yagona shaxs bu Putin.
Ma’lumot uchun, Vladimir Zelenskiy 2019-yil 20-may kuni Ukraina prezidenti lavozimiga kirishgan. 5 yil muddatga saylangan davlat rahbarining navbatdagi saylovi joriy yilning 31-mart kuni o‘tkazilishi kerak edi. Biroq Oliy Rada mamlakatdagi harbiy holat sababli saylovni e’lon qilmagan. Ukraina rahbari 2023-yilning noyabrida hozir saylov vaqti emasligini aytgan.
Ukraina konstitutsiyasining 108-moddasiga ko‘ra, mamlakat prezidenti o‘z vakolatlarini yangi saylangan davlat rahbari lavozimiga kirishgunga qadar amalga oshiradi. Shunga o‘xshash qoidalar boshqa mamlakatlarning eng yuqori me’yoriy-huquqiy hujjatlarida mavjud, — deya Berbok qo‘shimcha qilgan.
Rossiya Zelenskiyning rahbarlik faoliyati qonuniyligiga bir necha bor shubha bildirgan. Rossiya TIV rahbari Sergey Lavrov Zelenskiy endi Ukrainaning qonuniy prezidenti emasligini ta’kidlagan.
Izoh (0)