Ukrainani tiklash bo‘yicha konferensiya 2024-yilda Berlinda bo‘lib o‘tadi, deya ma’lum qildi Germaniya tashqi ishlar vazirligi rahbari Annalena Berbok Kiyevda ukrainalik hamkasbi Dmitriy Kuleba bilan qo‘shma konferensiyada.
“Keyingi yili biz Berlinda Ukrainani tiklash bo‘yicha konferensiya o‘tkazamiz”, dedi u.
Berbok dushanba kuni e’lon qilinmagan tashrif bilan Ukrainaga keldi. Bu Rossiya Ukrainada urush boshlaganidan beri Germaniya vazirining to‘rtinchi tashrifidir.
Ukrainani tiklash bo‘yicha so‘nggi konferensiya iyun oyida Londonda bo‘lib o‘tdi. Unda Berbok Germaniya joriy yilda Ukrainaga 381 million yevro miqdorida qo‘shimcha gumanitar yordam ko‘rsatishini aytdi.
Mart oyida Jahon banki Yevropa komissiyasi, BMT va Ukraina hukumati bilan birgalikda mamlakatning tiklanish va rekonstruksiyaga bo‘lgan ehtiyojini 411 milliard dollarga baholagan edi.
Izoh (0)