“Қорақалпоғистон Республикасида меҳмонхона хизматларини ривожлантириш ҳамда қулай шарт-шароитлар яратиш чора-тадбирлари тўғрисида”ги Вазирлар Маҳкамаси қарори қабул қилинди.
Ҳужжат билан 3 юлдузлига айлантириладиган меҳмонхоналарга субсидия бериш тартиби белгиланмоқда.
Субсидия Қорақалпоғистон ҳудудида фаолият юритаётган, илгари юлдуз тоифасига эга бўлмаган ва 3 юлдузли тоифага айлантирилган меҳмонхоналарга берилади.
Субсидия миқдори – ҳар бир хона учун 20 миллион сўм. Субсидияни олиш учун давлат хизматлари марказига ёки ЯИДXП орқали мурожаат этиш лозим.
Субсидияни тўлаб бериш тўғрисида қарор қабул қилинган кундан 10 иш куни ичида маблағлар тадбиркорлик субъектининг ҳисоб рақамига ўтказиб берилади.
Субсидияни олган тадбиркорлик субъекти меҳмонхона хизматини кўрсатиши ҳамда юлдузли тоифани камида 5 йил мобайнида сақлаб туриши керак. Акс ҳолда, тадбиркорлик субъекти олган субсидия маблағларини қайтаришга мажбур (қайтариладиган маблағлар миқдори фаолиятни давомийлигидан келиб чиқиб аниқланади).
Ҳужжат Қонун ҳужжатлари маълумотлари миллий базасида эълон қилинган ва 2024 йил 20 майдан кучга кирди.
Март бошларида шоличиликда сув тежовчи технология жорий қилиш учун субсидия бериш ва кластерларга шоли хариди учун имтиёзли кредит ажратиш йўлга қўйилиши тўғрисида хабар берилганди.
Изоҳ (0)