“Inter Mayami” prezidenti Devid Bekhem o‘z jamoasi hujumchisi Lionel Messi haqida gapirdi.
Britaniyalik sobiq futbolchining fikricha, Messining AQShga kelishi mahalliy sport rivojida katta rol o‘ynaydi. Bekhem Lionelning insoniy fazilatlarini ham qayd etdi. Uning fikricha, argentinalik yulduz yosh futbolchilarning rivojlanishiga yordam berishga harakat qiladi.
“Men har doim Leo Messi kabi odamni Amerikaga, xususan Mayamiga olib kelish katta ahamiyatga ega ekanligini bilardim. Bu uning maydonda va undan tashqarida qilgan ishlariga tegishli.
Gap faqat sovrinlarni qo‘lga kiritayotganida emas. U akademiyadagi bolalarning rivojlanishiga ham doim yordam berishni xohlaydi. Messi Amerika bo‘ylab sayohat qilganda har bir yosh yigit bilan uchrashishga intiladi. U shunday inson”, — deya Bekhemning so'zlarini keltiradi AS.
Messi 2023-yildan beri “Inter Mayami” klubi a’zosi hisoblanadi. U shu paytgacha 15 o‘yinda qatnashib, raqiblar darvozasiga 11 bora to‘p kiritgan.
Izoh (0)