Kanadaning Monreal shahridagi “Saputo” stadionida MLS doirasidagi o‘yin 11-may kuni yakunlandi, unda “Inter Mayami” mehmonda “Monreal Impakt”ni 3:2 hisobida mag‘lub etdi.
Argentina terma jamoasi hujumchisi va “Inter Mayami” klubi sardori Lionel Messi bu o‘yinda 90 daqiqa harakat qildi, biroq gol ura olmadi. Shu tariqa Messi 11 o‘yindan iborat golli seriyasini to‘xtatdi. Avvalgi 11 uchrashuvning har birida argentinalik futbolchi kamida bitta gol urgan yoki golli uzatmani amalga oshirgan edi.
Joriy mavsumda Messi MLS jamoasi safida 9 ta o‘yinda maydonga tushib, 10 ta gol urdi va 13 ta golli uzatmani amalga oshirdi.
Hozirda “Inter Mayami” MLS turnir jadvalida 13 o‘yindan keyin 27 ochko bilan birinchi o‘rinda bormoqda. Chempionatda “Monreal Impact” 12 ochko to‘plab, jadvalning 20-qatorida joylashgan.
Izoh (0)