“Oxirgi avlod” (Letzte Generation) radikal harakatining ekologiya faollari Myunxen aeroportiga kirib, u yerda navbatdagi norozilik namoyishini uyushtirishdi.
Bu haqda DPA agentligi ma’lum qildi.
Xabar qilinishicha, aksiya natijasida havo bandargohi qisqa muddatga yopilgan.
“Aeroport xavfsizlik nuqtayi nazaridan yopilgan, chunki iqlim faollari uchish-qo‘nish yo‘lagiga yopishgan”, — dedi aeroport vakili.
Aeroportga uchib kelgan samolyotlar boshqa aeroportlarga yo‘naltirildi.
Ayni paytda voqea joyida ko‘plab huquq-tartibot idoralari xodimlari ishlamoqda. Aeroport vakili taʼkidlaganidek, hozirda ikkita uchish-qo‘nish yo‘lagidan biri ochiq, biroq parvozlar kechikishi kutilmoqda.
Atrof-muhit faollari norozilik aksiyasini Myunxen aeroporti uchun eng gavjum vaqtlardan birida uyushtirishdi. Aeroportda jumadan yakshanbagacha jami 350 mingga yaqin yo‘lovchi foydalanishi kutilmoqda. Bu vaqt ichida Myunxen aeroporti 2860 ta reysni amalga oshirishni rejalashtirgan.
Izoh (0)