Namangan viloyati Pop tumanining tog‘li hududlarida sel kelishi kuzatildi. Bu haqda viloyat hokimligi xabar berdi.
Ma’lum qilinishicha, bugun, 17-may kuni Namangan viloyati hokimi — fuqaro muxofazasi boshlig‘i Shavkat Abdurazzoqov favqulodda vaziyatlar boshqarmasi boshlig‘i va boshqa mutasaddilar ishtirokida mazkur hududda bo‘lib, seldan keyingi holat bilan tanishdi.
Viloyat rahbari joylarni ko‘zdan kechirib, mas’ullarga suv-seldan talafot ko‘rgan joylar bo‘yicha tezkorlikda bajarilishi zarur bo‘lgan masalalarda topshiriqlar berdi. Shuningdek, fuqarolar murojaatlari tinglanib, oziq-ovqatga ehtiyoj sezgan fuqarolarga oziq-ovqat mahsulotlari ham topshirildi.
Izoh (0)