Surxondaryo viloyatining Sherobod tumanida kuchli sel oqibatida 360 bosh qo‘y nobud bo‘ldi. Bu haqda Ekologiya, atrof-muhitni muhofaza qilish va iqlim o‘zgarishi boshqarmasi xabar berdi.
Ijtimoiy tarmoqlarda bir gala qo‘ylar jasadi yuk mashinasidan chuqurlikka to‘kib ketilayotgani aks etgan videolar tarqalgandi.
Rasmiylarning ma’lum qilishicha, 29—30-aprel va 1-may kunlari yog‘ingarchilik ko‘p bo‘lishi oqibatida Sherobod tumanining “Bog‘iobod” mahallasi hududiga kuchli sel kelgan. Mahalladagi qishloqqa adirlikdan kelgan kuchli sel qo‘radagi 360 bosh qo‘yni nobud qilgan.
-YO-2m-nQ.jpg)
Qayd etilishicha, ushbu hudud viloyat Favqulodda vaziyatlar boshqarmasi, viloyat Sanitariya-epidemiologiya boshqarmasi tomonidan nazoratga olinib, nobud bo‘lgan qo‘ylardan har xil kasalliklar tarqamasligi uchun dezinfeksiya qilinib ko‘mildi.
“O‘zgidromet” sel-suv toshqinlari xavfi haqida muntazam ogohlantirib keladi. 9—11-may kunlari ham respublikaning quyidagi tog‘oldi va tog‘li hududlarida, shu jumladan Surxondaryo viloyatining Sherobod tumanida sel-suv toshqini yuzaga kelishi mumkin.
Izoh (0)