Rossiyalik olimlar mamlakatning Sibir qismida yangi dinozavr turini kashf qilishdi. Bu haqda Sankt-Peterburg universiteti paleontologlari bergan maʼlumotga asoslanib, The Moscow Times nashri xabar berdi.
Sankt-Peterburg davlat universiteti paleontologlari 16-mart kuni Sibirda kamida 100 million yil avval yashagan deb hisoblanayotgan dinozavr turi kashf etilganini maʼlum qilishgan. Ushbu xabarni ko‘plab tadqiqot institutlari tasdiqlagan.
Yangi tur qoldiqlari ko‘mir qazib olishga ixtisoslashgan Kemerovo viloyatining Kiya daryosi qirg‘og‘idan topilgan. Ushbu tur tez harakatlanuvchi dinozavrlar sinfiga kirgan.
Dinozavr 153-148 million yil avval yashagani aytilgan. U Yura davri so‘nggiga taalluqli bo‘lib, yirtqich seratozavrlar turkumiga kirgan.
“Bu dinozavr Osiyodagi bo‘r davri cho‘kindi qatlamlarida topilgan birinchi seratozavr bo‘lib, ilgari ular bu hududda 40 million yil avval yo‘q bo‘lib ketgan deb hisoblananar edi”, — deyilgan paleontologlar hisobotida.
Yangi turga olimlar Kiyacursor longipes deb nom berishgan. Ushbu nom “Kiya daryosi bo‘yida yuguruvchi uzun oyoqli” degan maʼnoni anglatadi. Olimlarning fikricha, dinozavr zamonaviy tuyaqushlarnikiga o‘xshash uzun orqa oyoqlari tufayli tez yugura olgan.
Izoh (0)