Litvada 12-may kuni prezidentlik saylovlarining birinchi bosqichi bo‘lib o‘tdi. Unda amaldagi prezident Gitanas Nausedadan tashqari yetti nafar nomzod qatnashdi. Ikkinchi bosqichda prezident va bosh vazir Ingrida Shimonite bellashadi. Bu haqda Deutsche Welle xabar berdi.
Ko‘pchilik ovozlarni sanab chiqish natijalariga ko‘ra, Nauseda 44 foiz, Shimonite esa 19 foiz ovoz olgan. Saylovda davomad 59,4 foizni tashkil etgan.
Ha, men birinchi turda g‘alaba qozonishni xohlardim. Biroq ikkinchi turda kurashishga tayyorman va buni uddalay olaman deb o‘ylayman, — degan Nauseda.
Shimonite, o‘z navbatida, ikkinchi bosqichga o‘tishini quyidagicha izohlagan:
Ushbu bosqichdagi asosiy maqsadim ikkinchi bosqichga chiqish edi va bunga erishildi deb hisoblayman, — degan u.
Litva prezidentligiga saylovda jami sakkiz nafar nomzod ishtirok etdi. Ular orasida huquqshunos Ignas Vegele, Litva Seymining sobiq deputati antisemitizm bayonotlari tufayli mandatdan mahrum qilingan Remigiyus Jemaytaytis va boshqalar bor edi.
Litvada saylovlarga parallel ravishda referendum ham o‘tkazilmoqda
Litvada prezidentlik saylovlari bilan bir vaqtda qo‘shfuqarolikni qonuniylashtirish bo‘yicha referendum bo‘lib o‘tmoqda. Buning uchun konstitutsiyani o‘zgartirish kerak. Yangi norma tasdiqlanishi uchun uni saylov huquqiga ega bo‘lgan mamlakat fuqarolarining kamida 50 foizi qo‘llab-quvvatlashi lozim.
1895 ta saylov uchastkasidan 1629 tasida saylov byulletenlarini sanab chiqish natijalariga ko‘ra, saylovchilarning 71,6 foizi ikki fuqarolikni yoqlab, 26,1 foizi qarshi chiqqan.
Izoh (0)