Arktikaning tog‘li mintaqasida Manhetten kattaligidagi va “geosiyosiy ahamiyatga ega” yer uchastkasi 300 million yevroga sotilmoqda, deya Bloomberg xabar berdi.
Ma’lum bo‘lishicha, hudud ob-havo o‘zgarishi sababli sotilmoqda: Arktikada 2023-yilda eng issiq yoz qayd etilgan, Svalbard hududida dengiz muzlari kamayishi, yomg‘ir va yuqori harorat kuzatilgan.
Bu Arktikada hudud sotib olish va strategik o‘ringa ega bo‘lish uchun yagona imkoniyatdir, — dedi sotuvchilar vakili bo‘lgan advokat Per Killingstad.
Uning ta’kidlashicha, bu Norvegiya arxipelagidagi so‘nggi xususiy uchastka.
Shpitsbergen arxipelagi Norvegiyaga tegishli. Uning maydoni 61 kvadrat kilometrni tashkil qiladi, taxminan 60 foiz qismi muz bilan qoplangan. 2020-yil holatiga ko‘ra, aholisi deyarli 3 ming kishini tashkil etgan. Arxipelagda global falokat yuz bergan taqdirda Jahon urug‘lik ombori va Jahon Arktika arxivi, butun dunyo olimlari uchun bir nechta ilmiy qutb stansiyalari mavjud.
Shpitsbergenning janubi-g‘arbiy qismida Syore Fagerford nomi bilan mashhur bo‘lgan 6 ming gektarlik shaxsiy uchastka “Knight Frank LLP” tomonidan sotilmoqda. U Longyir shahri yaqinida joylashgan va 5 km qirg‘oq chizig‘ini o‘z ichiga oladi.
Sotuvchilar vakilining so‘zlariga ko‘ra, ular so‘zsiz xaridor qidirgan, Norvegiya hukumati bilan muzokaralar olib borilgan, biroq kelishuvga erishilmagan.
Uchastka eng yuqori narx taklif qilganga sotiladi, — dedi huquqshunos Per Killingstad.
Kompaniyaning fikricha, bu yer uchastkasi atrof-muhitni muhofaza qilish va asrashga katta ta’sir ko‘rsatmoqchi bo‘lganlar uchun sarmoyaviy loyiha bo‘lishi mumkin.
Biroq, Svalbardda yerdan foydalanish bo‘yicha qat’iy cheklovlar mavjud. Xaridorlar Norvegiya suverenitetini tan olishi va arxipelagdan harbiy maqsadlarda foydalanishni taqiqlovchi 1920-yildagi Shpitsbergen shartnomasiga rioya qilishlari kerak. Shartnoma Birinchi jahon urushini tugatgan Versal muzokaralaridan keyin imzolangan. Uni 40 dan ortiq davlat, jumladan Xitoy, Rossiya, Buyuk Britaniya va AQSH ham imzolagan.
Izoh (0)