Eronda 9-may kuni Afg‘oniston fuqarosi giyohvand moddalar bilan savdo qilishda ayblanib, qatl etildi. Bu haqda Etilaatroz nashri xabar berdi.
Manbada aytilishicha, afg‘on fuqarosining qatl etilgani to‘g‘risida dastlab Eronning inson huquqlari sohasida faoliyat yurituvchi Hal Vash sayti xabar bergan. Xabar ko‘plab mahalliy nashrlar tomonidan tasdiqlangan.
Afg‘onistonlik mahbus Eronning Kirmon qamoqxonasida qatl etilgan. Qatl to‘g‘risida uning oila aʼzolariga ham, tanishlariga ham xabar qilinmagan.
Manbada aytilishicha, qatl etilgan shaxs ismi Xon Muhammad Ishoqzay bo‘lgan. U Afg‘oniston g‘arbidagi Farah viloyatidan bo‘lgan.
Xon Muhammad Ishoqzay 40 yoshda bo‘lgan. U oilali va besh farzandning otasi bo‘lgan. Marhumning oilasi hozirda Eronning Semnan shahrida yashayotgani maʼlum qilingan.
Semnan shahrida Xon Muhammad Ishoqzoy giyohvand moddalar bilan bog‘liq ayblov bilan hibsga olgan. Shahar sudi unga o‘lim hukmini chiqargan va u 9-may kuni ijro etilgan.
Erondagi bir qancha nashrlar mamlakat bo‘ylab yana besh nafar afg‘on fuqarosi qatl etilganini maʼlum qilgan. Qatl hukmlari asosan Eronning Mashhad va Karaj shaharlarida ijro etilgan.
Izoh (0)