Afg‘onistonning G‘azni viloyati markazida qotillikda ayblangan ikki kishi sud qarori va “Tolibon” yetakchisining buyrug‘i bilan qatl etildi. Bu haqda Sputnik Afg‘oniston xabar berdi.
Ali Lala qishlog‘idagi futbol maydonida o‘tkazilgan qatl marosimida G‘azni viloyatining ko‘plab aholisi ishtirok etdi. Bir kun avval “Tolibon” aʼzolari ikki kishining qatl etilishini tomosha qilish uchun aholini futbol maydoniga yig‘ilishga chaqirgan. Marhumlar besh va yetti yil avval odam o‘ldirganlikda ayblangan.
“Tolibon” yetakchisi Haybatulloh Oxundzoda sud qarorini ko‘rib chiqib, qatl etish hukmini tasdiqlagan.
Birlashgan Millatlar Tashkiloti avvalroq Afg‘onistonda “Tolibon” hokimiyatga kelganidan beri 200 dan ortiq sobiq amaldor sudsiz qatl etilganini ma’lum qilgandi. Tashkilot “Tolibon”ning siyosiy muxoliflariga qarshi inson huquqlari buzilishi bo‘yicha 800 dan ortiq holatlarni hujjatlashtirgan.
Izoh (0)