NATO bosh kotibi Yens Stoltenberg alyans Ukrainaga harbiy xizmatchilarni yuborish niyatida emasligini ma’lum qildi. Bu haqda La Republica xabar berdi.
NATOning Ukrainaga qo‘shin kiritish niyati yo‘q. O‘tgan hafta Ukraina rasmiylari bilan uchrashganimda ular bu haqda so‘ramagan, — dedi NATO bosh kotibi.
Avvalroq NATO davlatlari 9—11-iyul kunlari Vashingtonda bo‘lib o‘tadigan ittifoq sammitida o‘z qo‘shinlarini Ukrainaga yuborish g‘oyasini rad etish niyatida ekani haqida xabar berilgan edi. Shu bilan birga, NATO o‘zining sharqiy qanotini mustahkamlashda davom etmoqda hamda mintaqadagi shaxsiy tarkibni 300 ming harbiy xizmatchiga ko‘paytirish niyatida.
Avvalroq Fransiya prezidenti Emmanuel Makron Ukrainaga fransuz qoshinlarini yuborish shartini aytgan edi.
Ukrainadan bu masala yuzasidan so‘rov bo‘lganida, biz qonuniy ravishda qo‘shin yuborish to‘g‘risida o‘ylashimiz mumkin edi, — deya Makron ukrainalik rasmiylar tomonidan bu borada so‘rov bo‘lmaganiga ishora qilgan.
Kreml Ukrainada G‘arb harbiylari paydo bo‘lgan taqdirda NATO va Rossiya o‘rtasida to‘g‘ridan to‘g‘ri mojaro yuzaga kelishi mumkinligini aytgan.
Izoh (0)