Shavkat Mirziyoyev 8-may kuni amaliy tashrif bilan Moskvaga bordi. Bu haqda Prezident matbuot xizmati xabar berdi.
Ma’lum qilinishicha, “Vnukovo” xalqaro aeroportida davlat rahbarini Rossiya hukumati raisi o‘rinbosari — sanoat va savdo vaziri Denis Manturov va boshqa rasmiy shaxslar kutib oldi.
Rossiya prezidenti Vladimir Putinning taklifiga binoan O‘zbekiston yetakchisi kuzatuvchi davlat rahbari sifatida Oliy Yevrosiyo iqtisodiy kengashining navbatdagi yig‘ilishida hamda Ikkinchi jahon urushidagi g‘alabaning 79 yilligiga bag‘ishlangan tantanali tadbirlarda ishtirok etadi.
Ikki kunlik tashrif doirasida qator ikki tomonlama uchrashuvlar o‘tkazilishi ham rejalashtirilgan.
Izoh (0)