Turkiya xavfsizlik kuchlari 1-may kuni Iroq shimolida 2 nafar xavfli terrorchini maxsus operatsiya davomida yo‘q qilgan. Bu haqda Anadolu nashri xabar berdi.
Manbada aytilishicha, yo‘q qilingan terrorchilar Turkiyada taqiqlangan Kurdiston ishchi partiyasiga aloqador bo‘lgan. Turk havo kuchlari va xavfsizlik guruhlari Iroq shimolidagi qator nuqtalarga hujumlar uyushtirishi davomida terrorchilar yo‘q qilingan.
“Terrorchi va ekstremistlarga qarshi kurashimiz samarali va qatʼiy davom ettiriladi”, — deyilgan Turkiya Milliy mudofaa vazirligi rasmiy xabarida.
Aksilterror hujum teraktlar ko‘p uchraydigan Iroq shimolidagi Metina viloyatida amalga oshirilgan. Hozirda turk qurolli kuchlari maxsus operatsiya zonasida barqarorlikni taʼminlashga erishgan.
Maʼlumot o‘rnida, Kurdiston ishchi partiyasi 40 yildan ortiq vaqtdan beri Turkiya va Yaqin Sharq hududida terrorchilik hujumlari tashkil etib keladi. Partiya rasman Turkiya, AQSH va Yevropa Ittifoqi tomonidan terrorchi tashkilotlar ro‘yxatiga kiritilgan. Partiya uyushtirgan teraktlar oqibatida umumiy 40 ming nafardan ortiq odam, jumladan, ayollar, bolalar va go‘daklar halok bo‘lgani xabar qilinadi.
Izoh (0)