2024-yilda Shveysariya Ukrainaga insonparvarlik yordami uchun 150 million frank (164 million dollardan ortiq) byudjet ajratdi.
Bu haqda mamlakat tashqi ishlar federal departamenti matbuot xizmati ma’lum qildi.
“2024-yilda Ukraina va mintaqani rivojlantirish uchun gumanitar yordam sifatida 150 million Shveysariya franki ajratiladi”, — deyiladi bayonotda.
Bundan tashqari, 2025–2028-yillarga mo‘ljallangan xalqaro hamkorlik strategiyasi doirasida Shveysariya Federal kengashi ushbu davrda Ukrainaga 1,5 milliard frank (1,64 milliard dollar) qiymatidagi qo‘shimcha yordam ko‘rsatishni rejalashtirmoqda.
Shu yo‘l bilan, Shveysariya “Ukrainani qo‘llab-quvvatlash va tiklashga o‘zining muhim hissasini qo‘shish niyatida”, deb ta’kidladi Tashqi ishlar vazirligi.
Izoh (0)