АҚШнинг Колумбия университетида 200 нафардан ортиқ талаба ҳибсга олинган. Бу ҳақда CNN нашри хабар берди.
Манбада айтилишича, 30 апрель куни Нью-Йорк полиция департаменти ходимлари Колумбия университетидаги кампус ҳовлисига бостириб кирган. Шундан сўнг улар талабаларни оммавий тарзда ҳибсга ола бошлаган.
Университет кампусида Исроилнинг Фаластиндаги ҳарбий амалиётларидан норози бўлган талабалар чодирлар тикиб, норозилик билдираётган бўлган. Полиция томонидан умумий ҳисобда 230 нафарга яқин одам ҳибсга олингани хабар берилган.
Бир қанча маҳаллий нашрлар университет шимолидаги бинолар атрофида ҳам ўнлаб талабалар ҳибсга олинганини хабар берган. Университет раҳбарияти бу хабарларни рад этган. 200 нафардан ошиқ талаба ҳозирда ҳибсда қолмоқда.
CNN нашри, шунингдек, сўнгги намойишлар пайтида Жанубий Флорида университетида 10 нафар, Тулане университетида 14 нафар талаба ҳибсга олинганини айтган. Мамлакат бўйлаб талабалар норозилиги кучайиб бораётгани хабар қилинган.
Изоҳ (0)