O‘zbekiston Bojxona qo‘mitasi tomonidan “Qora” laqabli xizmat iti nafaqaga kuzatildi. Bu haqda qo‘mita matbuot xizmati xodimi Husan Tangriyev xabar berdi.
Qayd etilishicha, “Qora” faoliyati davomida jami 10 kilogramm giyohvandlik vositalarining bojxonadan yashirincha olib o‘tilishini fosh qilgan.
“Bu xizmat iti kinologlarimizning haqiqiy to‘rt oyoqli yordamchisi bo‘la oldi, ularning mehrini qozondi”, — deyiladi xabarda.
2021-yilda “O‘zbekiston Respublikasi Davlat bojxona qo‘mitasining Milliy kinologiya markazi faoliyatini yanada rivojlantirish va takomillashtirish to‘g‘risida”gi hukumat qarori qabul qilingan edi. Hujjat bilan kinologiya xizmatini sifatli tashkil etish maqsadida xodimlarni rag‘batlantirish va kinologlarga 1, 2, 3-darajali kinolog ko‘krak nishonlarini joriy etish tartibi belgilangandi.
Yanvar oxirlarida Mudofaa vazirligiga qarashli Xizmat itlarini tayyorlash markazidagi yagona ayol kinolog Saida Abdumo‘minova “Daryo”ga bergan intervyusida harbiy itlarning qanday tayyorlanishi to‘g‘risida xabar bergandi.
Izoh (0)