Ўзбекистон Божхона қўмитаси томонидан “Қора” лақабли хизмат ити нафақага кузатилди. Бу ҳақда қўмита матбуот хизмати ходими Ҳусан Тангриев хабар берди.
Қайд этилишича, “Қора” фаолияти давомида жами 10 килограмм гиёҳвандлик воситаларининг божхонадан яширинча олиб ўтилишини фош қилган.
“Бу хизмат ити кинологларимизнинг ҳақиқий тўрт оёқли ёрдамчиси бўла олди, уларнинг меҳрини қозонди”, — дейилади хабарда.
2021 йилда “Ўзбекистон Республикаси Давлат божхона қўмитасининг Миллий кинология маркази фаолиятини янада ривожлантириш ва такомиллаштириш тўғрисида”ги ҳукумат қарори қабул қилинган эди. Ҳужжат билан кинология хизматини сифатли ташкил этиш мақсадида ходимларни рағбатлантириш ва кинологларга 1, 2, 3-даражали кинолог кўкрак нишонларини жорий этиш тартиби белгиланганди.
Январь охирларида Мудофаа вазирлигига қарашли Хизмат итларини тайёрлаш марказидаги ягона аёл кинолог Саида Абдумўминова “Дарё”га берган интервьюсида ҳарбий итларнинг қандай тайёрланиши тўғрисида хабар берганди.
Изоҳ (0)