Avstraliya Ukraina uchun yangi 100 million dollarlik harbiy yordam paketi ajratadi. Bu haqda bosh vazir Denis Shmigal ma’lum qildi.
Ukraina rasmiysiga ko‘ra, bu haqda Avstraliya bosh vaziri o‘rinbosari hamda mudofaa vaziri Richard Marles bilan Lvovdagi uchrashuvda kelishib olingan.
Avstraliya Ukraina uchun 100 million dollarlik yangi yordam paketini tayyorlamoqda, bu mablag‘ning yarmi MANPADS’ning katta partiyasiga ajratiladi, taxminan 30 million dollari dron koalitsiyasi doirasida qolgan summa boshqa harbiy ehtiyojlarga sarflanadi, — deb yozgan Shmigal.
Bundan tashqari, Avstraliya Ukrainaga “havo-yer” toifadagi o‘q-dorilar taqdim etadi.
Avstraliyaning Ukrainaga yordami allaqachon 655 million dollardan ortiqni tashkil etadi, shundan 540 million dollari harbiy yordam.
Ukraina va uning xalqi ikki yildan ortiq keng ko‘lamli rus bosqinidan omon qoldi, ammo ularning ruhi kuchli bo‘lib qolmoqda. Ukraina bu urushda g‘alaba qozonishi uchun Avstraliya Ukraina bilan uzoq vaqt qoladi... Biz mojaro uzoq muddatli bo‘lishini tushunamiz va Ukrainaga sodiqmiz. Ukraina o‘z kelajagi va dunyodagi tinchlik uchun g‘alaba qozonishi kerak, — deydi Avstraliya mudofaa vaziri.
Izoh (0)