Rossiya armiyasi Ukrainadagi butun front chizig‘i bo‘ylab faol hujum qilmoqda va ayrim yo‘nalishlarda taktik muvaffaqiyatlarga erishmoqda. Bu haqda Ukraina Qurolli kuchlari bosh qo‘mondoni Aleksandr Sirskiy xabar berdi.
Sirskiyning so‘zlariga ko‘ra, frontdagi vaziyat keskinlashdi, hafta davomida shiddatli janglar davom etdi.
“Rossiya kuch va vositalarda sezilarli ustunlikka erishib, bir qancha yo‘nalishlarda kuchlarini jamladi. Vaziyatda dinamik o‘zgarishlar kuzatilmoqda, individual pozitsiyalar kun davomida bir necha marta qo‘ldan qo‘lga o‘tadi. Kupyansk yo‘nalishida rus qo‘shinlari Stelmaxovka va Berestovo qishloqlarida qisman muvaffaqiyatga erishdi, biroq Ukraina harbiylari tomonidan to‘xtatildi”, — deydi u.
Rossiya armiyasi Terni qishlog‘i hududida, Belogorovka va Razdolevka tumanlarida hujum qilmoqda, ammo muvaffaqiyatga erishmagan. Kramatorsk yo‘nalishida eng issiq nuqtalar Ivanovskoye va Chasov Yar bo‘lib qolmoqda.
“Dushman ushbu yo‘nalishlarda to‘rttagacha brigada joylashtirdi. Avdeyevka va Marinkaning g‘arbiy qismida Pokrovsk va Kuraxovga yo‘l ochib, hujumni rivojlantirishga harakat qilmoqda. Ukraina mudofaa kuchlari bo‘linmalari himoyachilarimizning hayoti va sog‘lig‘ini saqlab, Berdichev, Semenovka va Novomixaylovka g‘arbidagi yangi liniyalarga o‘tdi.
Umuman olganda, dushman bu yo‘nalishlarda ma’lum taktik muvaffaqiyatlarga erishdi, ammo operatsion ustunlik qayd etmadi. Ukraina shimolida hujumkor harakatlarga tayyorgarlik belgilari yo‘q, ammo Xarkov yo‘nalishida rus qo‘shinlari to‘planmoqda”, — deya xulosa qildi Sirkiy.
Izoh (0)