“Фронтда вазият кескин, Россия тактик муваффақиятга эришди” — Украина ҚК бош қўмондони

Россия армияси Украинадаги бутун фронт чизиғи бўйлаб фаол ҳужум қилмоқда ва айрим йўналишларда тактик муваффақиятларга эришмоқда. Бу ҳақда Украина Қуролли кучлари бош қўмондони Александр Сирский хабар берди.

Сирскийнинг сўзларига кўра, фронтдаги вазият кескинлашди, ҳафта давомида шиддатли жанглар давом этди.

“Россия куч ва воситаларда сезиларли устунликка эришиб, бир қанча йўналишларда кучларини жамлади. Вазиятда динамик ўзгаришлар кузатилмоқда, индивидуал позициялар кун давомида бир неча марта қўлдан қўлга ўтади. Купянск йўналишида рус қўшинлари Стелмаховка ва Берестово қишлоқларида қисман муваффақиятга эришди, бироқ Украина ҳарбийлари томонидан тўхтатилди”, — дейди у.

Россия армияси Терни қишлоғи ҳудудида, Белогоровка ва Раздолевка туманларида ҳужум қилмоқда, аммо муваффақиятга эришмаган. Краматорск йўналишида энг иссиқ нуқталар Ивановское ва Часов Яр бўлиб қолмоқда.

“Душман ушбу йўналишларда тўрттагача бригада жойлаштирди. Авдеевка ва Маринканинг ғарбий қисмида Покровск ва Кураховга йўл очиб, ҳужумни ривожлантиришга ҳаракат қилмоқда. Украина мудофаа кучлари бўлинмалари ҳимоячиларимизнинг ҳаёти ва соғлиғини сақлаб, Бердичев, Семеновка ва Новомихайловка ғарбидаги янги линияларга ўтди.

Умуман олганда, душман бу йўналишларда маълум тактик муваффақиятларга эришди, аммо операцион устунлик қайд этмади. Украина шимолида ҳужумкор ҳаракатларга тайёргарлик белгилари йўқ, аммо Харьков йўналишида рус қўшинлари тўпланмоқда”, — дея хулоса қилди Циркий.