Футзал бўйича Осиё Кубоги—2024 мусобақасида муваффақиятли иштирок этиб, ўз тарихида биринчи бор жаҳон чемпионатига йўлланма олган Тожикистон миллий жамоаси мукофотланадиган бўлди.
Тожикистон футбол федерацияси президенти Рустам Имомалининг қарорига кўра, Ўзбекистонда ўтадиган ЖЧ—2024 турнирига йўлланмани қўлга киритган Тожикистон футзал жамоаси 100 минг АҚШ доллари миқдоридаги мукофот пули билан тақдирланадиган бўлди.
Маълумот учун, Пайрав Воҳидов шогирдлари Таиланддаги чемпионатда Жанубий Корея ва Японияни гуруҳда қолдирган бўлса, чорак финалда Афғонистондан устун келди. Ярим финалда эса мезбон Таиландга пенальтилар сериясида (3:3, пен – 5:6) мағлуб бўлиб, финалга чиқа олмади.
Тожикистон 3-ўрин учун ўйинда 28 апрель куни Ўзбекистонга қарши майдонга тушади.
Изоҳ (0)