Amerikaning Google korporatsiyasi Isroil hukumati va armiyasi bilan hamkorlikka qarshi kompaniya ofislarida 10 soatlik ish tashlashda qatnashgan 28 nafar xodimini ishdan bo‘shatdi, deya New York Post xabar berdi.
Google qidiruv gigantining Nyu-York va Sanniveyldagi ofislarida kompaniyaning Isroil hukumati bilan biznes aloqalariga norozilik bildirish maqsadida 10 soatlik ish tashlashda ishtirok etgani uchun 28 nafar xodimini ishdan bo‘shatdi, — deyiladi nashrda.
Qayd etilganidek, namoyishchilar Google kompaniyasidan Google Cloud va Amazon Web Services bulutli hisoblash va sun’iy intellekt xizmatlarini Isroil hukumati va harbiylariga taqdim etuvchi 1,2 milliard dollarlik Project Nimbus shartnomasini bekor qilishni talab qilishgan. Norozilik bildirgan xodimlar ofisga kirib, boshqa xodimlarning ishiga aralashgan.
Google vakili ishdan bo‘shatilganlarni izohlar ekan, namoyishchilarning xatti-harakati “butunlay qabul qilib bo‘lmaydigan” ekanligini va boshqa xodimlarning ishiga aralashish “kompaniya siyosatini buzish” ekanligini aytgan.
Avvalroq New York Times nashri manbalariga tayanib, Isroil falastinliklarni ommaviy kuzatish uchun G‘azoda yuzni tanish tajriba tizimini joriy qilgani haqida xabar bergan edi. Isroil razvedkasi vakilining nashrga aytishicha, yuzni tanish tizimi Isroilning xususiy Corsight kompaniyasi va Google Photos texnologiyalaridan foydalanadi.
Izoh (0)